တို့ရဲ့ အချစ်တွေဟာ မင်းအတွက်ပါ

သူရယ်.........
အစားထိုးပြီးချစ်လို့မရတဲ့အဖြစ်မျိုးတွေနဲ့အကြိမ်ကြိမ်အခါခါလဲပြိုကျရှုံးနေဆဲပဲဆိုတာမင်းသိရဲ့လား..?
မင်းအကြာင်းတွေ တွေးရင်းနဲ့မိုးလင်း လင်းသွားတတ်တဲ့အိပ်ပျက်ညတွေခုချိန်ထိရှင်သန်နေဆဲပဲဆိုတာရော...
မင်းသိရဲ့လား..?
အစွဲအလမ်းကြီးသူတစ်ယောက်ကို မင်းရဲ့အပြုံးတွေ ရယ်သံတွေနဲ့ ခြောက်လှန့် နှိပ်စက်နေတတ် အောင်မင်းဖန်တီးပြုစားခဲ့တာပဲ...။ မခံစားတတ်သူတစ်ယောက်သာဖြစ်ချင်တော့တယ်.....။
တို့သိတာကတစ်စုံတစ်ခုကိုလိုချင်ရင် တစ်စုံတစ်ခုကိုဆုံးရှုံးရတတ်တယ်တဲ့.......။ကောင်းကင်ပေါ်က
လမင်းဟာတစ်ရက်ပြီးတစ်ရက်ဆုတ်သွားတတ်တဲ့အခါ တို့ဘ၀ထဲကနေ တစ်ရက်ပြီးတစ်ရက်ဆုတ်ခွာထွက်သွား ခဲ့ဖူးတဲ့မင်းကို တို့ သတိမရပဲမနေနိုင်ပြန်ဘူး...။
သူရယ်..........
မင်းကိုတို့ချစ်တဲ့အချစ်ဟာခိုင်မာတယ်..၊ အနှစ်ဗလာအကာတွေမဟုတ်ဘူး...၊လွယ်လွယ်နဲ့ဖျက်ဆီး
ပစ်လို့မရဘူး..၊ဘယ်သူမှတားဆီးလို့မရဘူး...၊လေထဲမှာလွင့်ပျောက်သွားမယ့် အရာလည်းမဟုတ်ဘူး.၊ အဲ့ဒီအချစ် တွေဟာနှလုံးသားထဲမှာ အမြစ်ခိုင်ခိုင်တွယ်နေတယ်...။
တစ်ကယ်တော့ အချစ်ဆိုတာ တို့ဘ၀ကိုကောင်းတာဘာတစ်ခုမှ မပေးခဲ့ဖူးပါဘူး....၊ ဒါပေမယ့်.....
ပင်လယ်ပြင်ကနေတက်လာတဲ့ လှိုင်းလုံးလေးများတွေကို ဘယ်သူကမှတားလို့မရသလိုပေါ့....၊ တို့ရင်ထဲကမင်းအပေါ်တွယ်တာနေတဲ့ တိတ်တခိုးသံယောဇဉ်တွေကိုလည်း ဘယ်လိုလုပ် တားလို့ရမှာတဲ့လဲ...။
တို့ကပဲ ပူလောင်လွန်းတာလား.....?၊ မင်းကပဲအေးစက်နေတာလား...?၊ အချစ်ဆိုတာနေတစ်စင်းလို့
ဆိုကြတယ်...၊ ဘာပဲဖြစ်ဖြစ်ပူလောင်ပေမယ့် လိုအပ်တယ်မဟုတ်လား...?.၊
သူ.............
မင်းနေထိုင်တဲ့ကမ္ဘာနဲ့တို့နေထိုင်တဲ့ကမ္ဘာဟာအတူတူပဲ..၊မင်းမြင်နေရတဲ့နေမင်းနဲ့တို့မြင်နေရတဲ့နေမင်းဟာလည်း အတူတူပဲ..၊ ဒီလိုဆိုရင်မင်းနဲ့တို့နဲ့အတူတူပဲလို့ပြောနိုင်သလား...?
"ဒီနေ့တစ်နာရီဟာ မနက်ဖြန်နှစ်နာရီထက်ပိုအဖိုးတန်တယ်နော်" လို့တို့မင်းကိုပြောခဲ့ဖူးတယ်.......
"ရောမမြို့ကြီးကိုတစ်ရက်ထဲနဲ့တည်ဆောက်တာမဟုတ်ဘူးဆိုတာငါသိပါတယ်ကွာ"မင်းလဲတို့ကိုပြောခဲ့ဖူးတာပဲလေ..၊
တကယ်တော့မင်းဟာ မြားတံကို အသင့်ဖြစ်အောင်မလုပ်ပဲနဲ့ လေးကိုတင်ချင်နေခဲ့သူပဲ..၊(ဒီလူဟာ မင်းအတွက်တော့မဖမ်းလည်းမိ ၊ ဖမ်းလည်းမိသတဲ့လား.၊ မပြေလည်းမိသတဲ့ )...၊
မင်းကိုတွေ့လိုက်ရတိုင်း တို့နှလုံးခုန်သံတွေပြင်းထန်လွန်းလို့ တို့တစ်ကိုယ်လုံးတုန်ခါနေတယ်လို့ထင် ရတယ်..၊တကယ်တမ်းကျတော့ မင်းဟာတို့ရဲ့မိုးကောင်းကင်ထိမြင့်တက်နေတဲ့မျော်လင့်ချက်တွေကို မြေကြီးပေါ် ပြန်ကျအောင် ရိုက်ချတတ်တဲ့ရက်စက်တတ်သူပဲ...၊ တို့နှလုံးသားရဲ့ပဲ့တင်သံတွေ မင်းနားစွင်ခဲ့ရင်ကြားခဲ့မှာပါ...၊
အချစ်ဆိုတာယောင်္ကျားတစ်ယောက်အတွက် စိတ်ခံစားချက်တစ်ခုထက်မပိုပါဘူး................၊မိန်းမ
တစ်ယောက်အတွက်တော့အချစ်ဆိုတာသူ့ရဲ့အသက်၊သူ့ရဲ့သေရေးရှင်ရေးတဲ့.....၊
တို့ရဲ့အလင်းရောင်တွေ မင်းကြည့်တတ်ရင်မြင်ခဲ့မှာပါ.........၊ တကယ်တော့မင်းရဲ့ချစ်ရေးချစ်ရာတွေ ဟာအားကစားသာဆိုရင်မင်းရွှေတံဆိပ်ဆုတွေအများကြီးပဲနေမှာ....သူရယ်....၊
ဟိုစဉ်တုန်းက မဖြစ်နိုင်တဲ့အနာဂတ်တစ်ခုဆီကို မျော်လင့်တမ်းတရင်းနှလုံးသားရဲ့အနက်ရှိုင်းဆုံး နေရာမှာအချစ်တွေကိုသိမ်းဆည်းထားခဲ့တယ်..၊တစ်နေ့တော့မင်းရဲ့အချစ်တွေနဲ့ဆုံနိုင်ကောင်းပါရဲ့လို့မျော်လင့်
ခဲ့ဖူးတယ်............၊ ဒါပေမယ့်.....
မင်းနဲ့ပတ်သတ်တဲ့အရာအားလုံးဒီနေ့မှာပဲ တို့ကိုယ်တိုင် အပြီးတိုင်ချေဖျက်...၊ဖျက်ဆီးပစ်လိုက်ပါပြီး...
နောက်ထပ်ရင်နာရမယ့်နေ့တွေဆိုတာ နောက်တစ်ကြိမ်ရောက်လာမှာကို တို့မကြုံချင်တော့လို့ပါ...၊ဝေဒနာည
တွေရဲ့ငိုရှိုက်သံတွေတစ်ခါပြန်လည်မရောက်ချင်တော့လို့သူရယ်.........၊
လူတိုင်းလူတိုင်းဟာစစ်မှန်တဲ့ချစ်ခြင်းတရားကိုသာ အလိုရှိကြပါတယ်...၊ဒါပေမယ့်.......လောကကြီးမှာ ဒီလိုအချစ်မျိုးဆိုတာနေရာတိုင်းမှာမရှိနိုင်ဘူးတိုတာလည်းသိကြမှာပါ.........၊
တကယ်တော့မင်းဟာ ဆောင်းတွင်းကြမှရေခဲရေကြိုက်တတ်တဲ့လူစားမျိုးပဲ...၊ချစ်လျှက်နဲ့ဝေးနေရတဲ့ အချိန်တွေအတွက်တို့မှာနောက်ထပ်တစ်ကြိမ်ဆိုတာဘယ်လိုမှ ရောက်မလာတော့ပါဘူး..တို့ရင်ထဲကတိတ်တခိုး
အချစ်တွေကိုမင်းမမြင်တတ်ခဲ့လို့သာပါ..၊တို့နှလုံးသားရဲ့ပဲ့တင်သံတွေကိုမင်းမကြားတတ်ခဲ့လို့သာပါ....၊
သူရယ်...............
လောကကြီးမှာမင်းတစ်ယောက်ထဲချစ်တာ တို့အသက်ရှိသရွေ့မပြောင်းလဲပါဘူး..........
( ဒါပေမယ့် )
မင်းရဲ့ ပိတ်လိုက်ဖွင့်လိုက် လုပ်တတ်တဲ့တံခါးတွေရဲ့ရည်ရွယ်ရာကိုတော့ စိန်မခေါ်ဝံ့တာအမှန်ပါ....။
တို့ကအရိုးသားဆုံးသာချစ်တတ်ခဲ့သူပါကွယ်..............။ ။